| تبليغات | X |
 |
 |
|
| یوردوم یؤوام مسكنيمسن آذربایجانیم آنام دؤغما وطنیمسن آذربایجانیم |
|
یار قاصدی
سن یار یمین قاصدی سن اگلش سنه چای دئمیشم خیالینی گوندریب دی بسکه من آخ-وای دئمیشم آخ! گئجه لر یا تمامیشام من سنه لای-لای دئمیشم سن یاتالی، من گوزومه اولدوزلاری سای دئمیشم هر کس سنه اولدوز دئیه أزوم سنه آی دئمیشم سندن سونرا ،حیاته من شیرین دیسه،زای دئمیشم هرگؤزه لدن بیرگول آلیب سن گؤزله پای دئمیشم سنین گون تک باتـماغیوی آی باتانا تـای دئمیشم اینـدی یـایـاقیـش دئییرم سابق قیشا ، یای دئمیشم گاه طویووی یـاده سالیب من دلی،نای-نایی دئمیشم سونرا یـئنه یـاسه بـاتیـب آغلاری هـایهـای دئمیشم اتـک دولـی دریا کیمـی گؤز یاشیما،چای دئمیشم عمره سوره ن من قره گون آخ دئمیشم ، وای دئمیشم
عزیزه جان
دردین اولموش منه بیر سمّیلی خنجر یاراسی، فکره گئتدیکجه یـارام گون به گون آرتیق ئشیلیر. گوز یاشیم قانلا قاریشمیش، اوره گیم گو گنمه ده، بیر بلیدین ایچریمده نه چیبانلار دئشیلیر . عزیزیم دویمادیم سندن، نه تز مندن دویوب گئتدین. اجل گلجک بو غربتده، منی یالقیز قویوب گئتدین. طوی، یاس اول،گلین گئتدی قول، شیل اول، الین گئتدی. وور باشا،یازیق باغوان،
باغ سولوب، گلین گئتدی.
دریا ائله دیم ترکی بیر چشمه الیسه، من اونی دریا ائله دیم، بیر سویوق معرکه نی محشر کبرا ائه لدیم. بیر ایشیلتیدی سها اولدوزی تک گورسنمز، گوز یاشیملا من اونی عقد ثریا ائله دیم. امیدیم وار که بو دریا هله اقیانوس اولا، اونا ضامن بو زمینه که مهیا ائله دیم. عرفانا چاتماسا شعر وادب ابقا اولماز، من ده عرفانه چاتیب، شعریمی ابقا ائله دیم. ابدیتله یاناشدیم دوغلا حافظه تای، شیرازین شاهچراغین تبریزه اهدا ائله دیم. ترکی نین جانینی آلمیشدی حیاسیز طاغوت، من حیات آلدیم اونا، حق ایچون احیا ائله دیم. قمه قدارهلر آغزیندا دیل اولمیشدی سوگوش، من سه وینج ائتدیم اونی، خنجری خرما ائله دیم. ایندی گویلرده گوزل صفله صفا ایله گزیر، منجلابلاردا اوزن اردگی دورنا ائله دیم. باخ که (حیدر بابا)افسانه تک اولموش بیر قاف، من کیچیک بیر داغی سر منزل عنقا ائله دیم. بوردا(روشن ضمیرین) ده هنرین یاد ائده لیم، من اونون دا قلمین طوطی گویا ائله دیم. نه تک ایراندا منیم ولوله سالمیش قلمیم، باخ که ترکیه ده، قفقازدا نه غوغا ائله دیم. باخ که تهراندا نه فرزانه لراولموش واله، باخ که تبریزده نه شاعرلری شیدا ائله دیم. هم (سهندیه) سهندین داغین ائتدی باش اوجا، هم من ئوز قارداشیمین حقینی ایفا ائله دیم. آجی دیللرده شیرین ترکی اولوردی حنظل، من شیرین دیللره قاتدیم اونی حلوا ائله دیم. هر نه قالمیشدی کئچنلردن اونا بال پتگی، اریدیب مومولو بالین شهد مصفا ائله دیم. ترکی، واللاه، آنالار اوخشاغی، لایلای دیلی دیر، دردیمی من بو دوا ایله مداوا ائله دیم. شهریار، حیف ساووخدیر بو دگیرمان هله ده، دارتماغا یوخدی دنی،من ده مدارا ائله دیم.
تورکون دیلی تورکون دیلی تک سوگلی، ایستکلی دیل اولماز ئوزگه دیله قاتسان، بو اصیل دیل،اصیل اولماز ئوز شعرینی فارسا – عربـه قـاتما سا شاعر شعری اوخویـانلار ، ائشید نـلـر کسیل اولماز فارس شاعری چوخ سؤزلرینی بیزدن آپارمیش صابر کیمی بیر سفره لی شاعر ، پخیل اولماز تورکون مثلی ، فولکلوری دنیا دا تـک دیـر خان یورقانی،کند ایچره مثل دیر،میتیل اولماز آذر قـوشونی ، قیصر رومی اسیر ائتمیش کسری سؤزودیر بیر بئله تاریخ ناغیل اولماز پیشمیش کیمی،شعرین ده گرک داد-دوزی اولسون کند اهلی بیلر لر کـی دوشابسیز خشیل اولماز سؤزلـرده جواهر کیمی دیر ، اصلی بدلدن تشخیص وئرن اولیا بوقذر زیر- زبیل اولماز شاعر اولا بیلمزسن ، آنـان دوغماسا شاعر مس سن،آبالام،هرساری کؤینک قیزیل اولماز چوق قیسا بوی اولسان اولیسان جین کیمی شیطان چوق دا اوزون اولما که اوزوندا عقیل اولماز مندن ده نه ظالم چیخار، اوغلوم ، نه قصاص چی بیر دفعه بونی قان کی ایپکدن قزیل اولماز آزاد قوی اوغول عشقی طبـیعتده بولونسون داغ-داشدا دوغولموش ده لی جیران حمیل اولماز انسان اودی دوتسـون بــو ذلیل خــلقین الیـندن آللاهــی سؤرسن ، بئله انسان ذلیل اولماز چوق داکی سرابون سویی وار یاغ - بالی واردیر باش عرشه ده چاتدیرسا،سراب اردبیل اولماز ملت غمــی اولسا، بو جوجوقلار چؤپه دؤنـمز اربــابلار یمیزدان دا قــارینلار طبیل اولماز دوز واختا دولار تاختا – طاباق ادویــه ایله اوندا کــی ننه م سانجیلانار زنجفیل اولماز بو«شهریار» ین طبعی کیمی چیممه لی چشمه کــوثر اولا بیلسه دئمیرم ، سـلسبیل اولماز
منتظر بقیه اشعار باشید.
|
|
+ نوشته شده در
سه شنبه 7 اسفند1386ساعت 23:39 توسط آزاد یول |
|
|
اول صفحه پست الکترونیک آرشیو |
| Bizim Hagimizda |
بو وبلاگدا بیز سعی ائلیریخ سیزلره آذزبایجانا رابطه لی دئوز خبر و اطلاعات وئراخ.(بو وبلاگ هئچ حزب یا گورولوملارلا رابطه سی یئوخدور)
|
| Gabakh'dan Yazılanlar |
|
هفته دوم مهر 1387 هفته سوم مرداد 1387 هفته چهارم فروردین 1387 هفته سوم فروردین 1387 هفته اوّل اسفند 1386 هفته چهارم بهمن 1386 |
| Mozu arşıve |
|
عکس گالریسه آذربایجان عکس گالریسه (شهریار) ترکی دیوان کلیاتی SMS ارومیه,مهاباد بزرگ! اخبار جدید پل میانگذر ارومیه-تبریز درباره استان آذربایجان غربی |
|
RSS
|
